Рысалиев: Гүлнур Сатылганова, Токтобек Асаналиевдер "Арашан" тобунан чыккан
Гүлнур Сатылганова, Токтобек Асаналиевдер "Арашан" тобунда эмгектенишкен. Бул тууралуу Токтогул Рысалиев Sputnik Кыргызстан радиосуна маек куруп жатып билдирди.
Анын айтымында, топтун 25 жылдык мааракеси Улуттук филармонияда белгиленет.
"Арашан" тобу түзүлгөнүнө быйыл 25 жыл болду. Андан бери Анарбек Ибраев, Каныкей Эралиева, Токтобек Асаналиев, Гүлнур Сатылганова сындуу белгилүү инсандар аталган топтун мектебинен өтүштү. Учурда 22 адам эмгектенип, фольклор, опера жанрындагы ырларды элге тартуулап келет", — деди Рысалиев.
Ал "Арашан" тобу дүйнөлүк сынактарга катышып келерин кошумчалады.
