БИШКЕК, 9-дек. — Sputnik. Дональд Трамп Флорида штатында эл алдында сүйлөп жатып, АКШнын улуту дүйнөлүк эки согушту тең жеңип, коммунизмди чөгөлөткөнүн айтты. Бул тууралуу РИА Новости агенттиги Fox Business телеканалына таянуу менен билдирди.
"Панама каналын казган биздин улут дүйнөлүк эки согушта жеңишти камсыздап, айга кишини учурду. Андан сырткары, коммунизмди чөгөлөттү", — деди Трамп.
Ал өз сөзүндө тарапташтарына ыраазычылык билдирген.
Белгилей кетсек, биринчи дүйнөлүк согуш 1914-жылы башталып 1918-жылга чейин уланган. АКШ көп убакытка чейин нейтралитетти карманып, АКШдан Англияны көздөй багыт алган британиялык "Лузитания" кемеси Ирландиянын түштүк-чыгышында талкалангандан кийин гана 1917-жылы 6-апрелде согушка кошулган.
Экинчи дүйнөлүк согуш (1939-1945) учурунда СССР, АКШ жана Улуу Британия 1942-жылы Батыш Европада экинчи фронт ачуу боюнча сүйлөшүшкөн. Бирок англо-америкалык десанттар Нормандиягы 1944-жылы гана кирген.
