БИШКЕК, 29-ноя. — Sputnik. Жогорку Кеңеш 2018-жылдын республикалык бюджетин жана 2019-2020-жылдарга карата божомол боюнча долбоорду үчүнчү окууда жактырды. Бул тууралуу өкмөттүн маалымат кызматы билдирди.
29-ноябрь күнү премьер Сапар Исаков депутаттарга быйылкы жана кийинки жылдын республикалык бюджетинин долбоорун жана 2020-жылга чейинки божомолду тааныштырды. Документтер президенттин кароосуна жөнөтүлдү.
2018-жылы гранттарды эсепке алганда киреше 140 миллиард 882 миллион 232 миң сомду же ички дүң продукциянын 26,2 пайызын түзсө, ал эми чыгаша 161 миллиард 149 миллион сомго чукулдап барат.
