Өрттү өчүрүүгө ӨКМдин 40тан ашуун кызматкери тартылган. Өрт өчүрүү бөлүмдөрү өрт чыккан жердин өзүнө жете албай жатат.
16 Жетинин айы 2017, 13:31
Буга чейин ӨКМдин маалымат кызматы "Теплые ключи" санаторийинин жанында өрт чыкканын билдирген. Очок жетүүгө кыйын болгон тоолуу жерде жайгашкан.
Sputnik Кыргызстан кабарчысы окуя болгон жерге барып, дрон менен тарткан. 2000 метр бийиктиктен тартылган видеодо тоо чокуларындагы арчалардын түтөп жатканын көрүүгө болот. ӨКМ техниканын жетүүсү кыйын болгондуктан, өрттү кол менен өчүрүүгө туура келип жатканын маалымдады.
"Теплые ключи" санаторийинин жанында ӨКМдин куткаруу тобуна жана жергиликтүү бийлик органдарына таандык унаалар турат.
Өрт 23-ноябрда болжол менен саат 15.15те башталган. Куткаруучулар менен өрт өчүрүүчүлөр окуя болгон жерге бир сааттан кийин барышкан. Караңгы киргенине байланыштуу өрт өчүрүү иштери токтотулган. Бүгүн кошумча 35 адис жөнөтүлгөн.
