БИШКЕК, 24-ноя. — Sputnik. 25-ноябрь күнү өлкө аймагында күн ачык болуп жаан-чачын күтүлбөй турганын Кыргызгидромет билдирди.
Маалыматка ылайык, түштүк-чыгыштан соккон шамалдын ылдамдыгы секундасына 5-10 метрге чейин жетет.
Чүй, Талас өрөөндөрүндө, Ош, Жалал-Абад жана Баткен облустарында абанын температурасы 13…18 градуска жетсе, Ысык-Көлдө 7…12, Нарында 4…9 градус жылуу болот.
Бишкекте 15…17, ал эми Ош шаарында 16…18 градус жылуу болору божомолдонду.
