Социалдык тармактын колдонуучулары кетип жаткан ажого ыраазычылыктарын билдирип, ал эми жаңы келген президентти акжолтой өлкө башчы болсун деп тосуп алышты. Sputnik Кыргызстан агенттиги кызыктуу постторду чогултту.
Жөнөкөй президент. Кинорежиссер Сүйүн Откеев Атамбаевдин жөнөкөйлүк жана адамкерчилик сапатын баса белгилеп, элге жакын адам болгонун жазган.
Анекдотторуңузду сагынабыз. Ал эми алып баруучу Назира Айтбекова Атамбаевди "ата" деп атап, анын анекдотторун сагынарын айткан.
Чыныгы лидер! Facebook колдонуучусу Адилет Айтикеев Атамбаевдин чыныгы лидер экенин баса белгилеген.
Ырлары. Журналист, алып баруучу Элвира Байсаева Атамбаевдин "Ата Журт" ырынан төрт сап жазып, андан эстелик катары калган ырлар жыйнагы калганын жана кыздары менен дайыма угарын жазган.
Ушул эле убакта президенттик тактыга отуруп жаткан Жээнбековго карата да каалоо-тилектер айтылбай койгон жок.
Кекчил президент болбоңуз. Журналист Тынчтык Алтымышев Сооронбай Жээнбековду жаңы кызматы менен куттуктап, "мурч аралашкан" каалоо-тилегин жазган.
Ажого жараша аба ырайы. Тышкы иштер министрлигинин маалымат катчысы Айымкан Кулукеева бүгүнкү аба ырайын жакшылыкка жоруп, Жээнбековду акжолтой президент болсун деп тилек кылган.
Президентке ыйман берсин. Депутат Садык Шер-Нияз инаугурация учурунан көз ирмем тартып, жаңы президентке ыйман, элине оомат каалап кеткен.
Жоопкерчилик. Журналист Нургүл Максутова Сооронбай Жээнбеков чоң милдетти мойнуна аркалаганын айтып, элдин, мамлекеттин тагдыры ушул кишинин колуна түшкөнүн баса белгилеген.
Ишеничти актасын. Шоумен Нурсултан Майназаров да Жээнбеков менен түшкөн сүрөтүн жарыялап, элдин ишеничин актаган ажо болсун деп тилек кылган.
Касиетүү падыша болуңуз. Соцтармак колдонуучуларынын бири Мелис Умархожаев Жээнбековго берекелүү, касиеттүү падыша болуңуз деген жакшы ниетин билдирген.
