Мөңгү боюнча документке толук карап, изилдеп чыккандан кийин гана кол коём. Бул тууралуу президент Алмазбек Атамбаев журналисттер менен болгон жолугушууда билдирди.
Эске сала кетсек, Алмазбек Атамбаев 20-ноябрь күнү "Ала-Арча" мамлекеттик резиденциясында өлкө башчысы катары акыркы маалымат жыйынын өткөрдү.
"Мен БУУнун башкы ассамблеясында сүйлөп жатып мөңгүлөр "Кумтөрдүн" айынан жок болуп жатат дегеним жок. Мен аба ырайынын глобалдык өзгөрүүсүнөн эрип жатат дегем. Кыргызстанда 6771 мөңгү бар. "Лысый" менен "Давыдов" мөңгүлөрү 23 жыл мурда эле иштетиле баштаган. Суу кодексине киргизилген өзгөртүү эки гана мөңгүгө — "Лысый" менен "Давыдовго" тиешелүү. Мен документти толук карап, изилдеп чыккандан кийин гана кол коём", — деди Атамбаев.
Эскерте кетсек, Жогорку Кеңеш Суу кодексине өзгөртүүлөрдү киргизүү боюнча демилгени колдоп берген.
