БИШКЕК, 20-ноя. — Sputnik. Бишкектеги 13 көчө оңдолгонун мэриянын маалымат кызматы билдирди.
Борбор калаанын жолдорун жакшыртуу концепциясынын алкагында 49 көчөнү оңдоо каралган. Бүгүн жалпысынан 19 чакырымга асфальт төшөлдү. Оңдолгон көчөлөр:
— Иманалиев көчөсү Абдрахмановдон Түштүк магистралга чейин;
— Медеров көчөсү Панфиловдон Токтоналиевге чейин;
— Саадаев көчөсү Тоголок Молдодон Орозбековго чейин;
— Каралаев көчөсү Токомбаевден Нуркамал көчөсүнө чейин;
— Лущихин көчөсү Тимур Фрунзеден "Ак-Өргө" конушуна чейин;
— Гагарин көчөсү Айгүл-Тоодон Айбике көчөсүнө чейин;
— Рыскулов көчөсү Жаш Гвардия бульварынан Турусбеков көчөсүнө чейин;
— Токомбаев көчөсү Шабдан-Баатырдан 12-кичи районго чейин;
— Элебесов көчөсү;
— Достоевский көчөсү Ахунбаевден Анкарага чейин;
— Жамгерчинов көчөсү Садыгалиевден Интергельпого чейин;
— Көлбаев көчөсү Лермонтовдон Ауэзовго чейин;
— Фрунзе көчөсү Айтматовдон Лермонтовго чейин.
"16 көчөдө жалпы узундугу 43 чакырымды түзгөн жерине асфальт төшөө иштери жүрүп жатат. Андан сырткары, реконструкцияга туш келген дубалдар менен башка курулуштар дагы бузулууда", — деп айтылат маалыматта.
"Бишкекасфальтсервис" муниципалдык ишканасынан билдиришкендей, шаардык бюджеттин эсебинен квартал аралык жана кичирайондун негизги 52 көчөсү оңдолгон. Алардын 39у быйыл жасалса, 13ү былтыр ремонттолгон. Калган аймактарда оңдоп-түзөө иштери уланууда.
