БИШКЕК, 17-ноя. — Sputnik. Борбор калаадагы бир катар акча алмаштыруу жайлары мыйзам бузуу фактысы боюнча административдик жоопко тартылды. Бул туурасында Улуттук банктын маалымат кызматы кабарлады.
11 Тогуздун айы 2017, 09:15
Билдирүүгө ылайык, банктык мыйзамдарды бузуу фактысы боюнча калаадагы Абдрахманов көчөсүнүн №119, 150 үйлөрүндө жана Киев көчөсүндө жайгашкан беш акча алмаштыруу жайынын ар бирине 100 миң сомдон айып пул салынган.
Мындан сырткары, кылмыштуу кирешелерди адалдоого жана террористтик же экстремисттик ишти каржылоого каршы аракеттенүү мыйзамдарын бузуу фактысы боюнча, Абдрахманов көчөсүнүн №119 жана 144 үйлөрүндө жайгашкан эки акча алмаштыруу жайга 20 000 сомдон айып тагылган.
