БИШКЕК, 13-ноя. — Sputnik. АКШ президенти Дональд Трамп Twitter баракчасында Түндүк Кореянын башчысы Ким Чен Ынды "кодойгон семиз" деп атаганын BBC жазып чыкты.
Буга чейин Түндүк Корея Трамптын Азия өлкөлөрүнө болгон сапарын сындап, АКШ ажосун дагы бир жолу "чал" деген эле.
Трамп Ким Чен Ынга жеке баракчасынан жооп берди.
Why would Kim Jong-un insult me by calling me "old," when I would NEVER call him "short and fat?" Oh well, I try so hard to be his friend — and maybe someday that will happen!
— Donald J. Trump (@realDonaldTrump) 12 ноября 2017 г.
"Эмне үчүн Ким Чен Ын мени "карыган" деп жатат? Мен ага эч качан "кодойгон семиз" деп айткан эмесмин. Эх, мен аны менен дос болууга аракет кылып жатсам…",— деп жазды Трамп.
Ошондой эле Трамп Владимир Путиндин Россиянын АКШдагы президенттик шайлоого кийлигишпегендиги тууралуу сөздөрүнө ишенерин да билдирди.
