2017-жылы аталган аймактан беш кишини машина коюп кеткен. Ошол эле учурда базардын аймагында автоунаа көп болгондуктан баш аламандыктар дагы көп катталчу. Бул өз кезегинде айдоочуларга тоскоолдук жаратып, кооптуулук жаратып келген.
Өтмөктүн жалпы узундугу 33 метр, туурасы үч метр. Курулуш июль айында башталган. Андан сырткары, 15 кишини көтөрө алчу лифт коюлган. Андыктан майып адамдар дагы тоскоолдуксуз өтө алат. Жер үстүндөгү өтмөктөрдүн ар бирин курууга 17-18 миллион сомго чейин коротулат. Ушундай эле өтмөктөр "Мадина" базарынын аймагында да ачылат.
Мэриянын билдиришинче, жер үстүндөгү өтмөктөр Чүй — Шопоков (ЦУМдун алдында) жана Чүй — Бейшеналиева көчөлөрүндө (Ош базары) курулат. Булардын бардыгы төрт тараптуу болот, башкача айтканда, көчөнүн бардык тарабына өтүүгө мүмкүнчүлүк түзүлөт.
