Бишкекте Ахунбаев көчөсүнүн уландысы кантип курулуп жаткандыгы тууралуу видеону шаар башчысы Албек Ибраимов өзүнүн Facebook тармагындагы баракчасына жүктөдү.
"Борборубузда дагы бир негизги көчө курулуп жатат. Ага чыгыш үчүн мыйзамсыз салынган 192 курулуш алынды", — деп айтылат билдирүүдө.
Маалыматка караганда, узундугу 4,8 чакырым, туурасы 15 метрге жеткен жол Бах көчөсүнөн "Ак-Ордо" жаңы конушуна чейин созулат.
Жаңы көчө Толстой, Бах жана Түштүк магистралындагы унаа агымын суюлтуп, Бишкектин батыш тарабындагы тыгындарды азайтары айтылды.
