БИШКЕК, 31-окт. – Sputnik. Токио шаарына жакын жердеги аймакта жашаган жаш жигиттин үйүнөн полиция тогуз кишинин сөөгүн тапты. Бул туурасында РИА Новости Kyodo агенттигине шилтеме кылып кабарлады.
Батир Дзама шаарынын 20 жаштагы тургунуна тиешелүү болгон. Шек санаган полиция жок болуп кеткен 23 жаштагы кызды ушул батирден издеп, тинтүүгө алган.
Тартип коргоочулар үйдөн жиликтелген дене мүчөлөрдү тапкан. Алардын бир катарлары желим идиштерге салынып, муздаткычка бекитилип коюлгандыгын кабарлашты.
Агенттиктин маалыматына караганда, жоголгон кыз шектүү жигит менен Twitter аркылуу сүйлөшүп жүргөн. Алардын жазышуусу кыздын "өзүн өзү өлтүрөм деген кишини издеп жүргөнүн" айтканынан кийин башталган.
Полиция батирдин ээси кармалгандыгын, жакында камакка алынарын билдирди.
