БИШКЕК, 28-окт. — Sputnik. Европалык окумуштуулар аялдардын башкаларды көп каратып, кызыктырган мүчөсүн аныкташты. Бул туурасында Evolutionary Psychological Science журналына чыккан материалда айтылат.
Адистер тажрыйба жасап, ыктыярдуу кишилерге аялдын 3D менен жасалган дене мүчөлөрүн окшош, ал эми белдерин ар башкача өңүттө жасап көрсөтүшкөн. Адамдын көзү кайсы жерге тигилип тургандыгын аныктаган атайын аппараттын жардамы менен отургандарга көз салып, жаздырып алышкан.
Эксперименттин жыйынтыгында көз караштар кыздардын бел жагында кабатталган терисине тигилген.
Кабатталган ал жерди караган эркектердин саны көп болуп чыккан да, баа бере келгенде мындай "сулуулукка" жогорку упайлар ыйгарылган.
Окумуштуулар бул жерде кызык учурду таап чыгышты. Илимпоздор башка сүт эмүүчүлөргө окшоп, адам баласы да кайкалап турган белди ургаачы менен эркектин кошулуусу катары берилген белги катары кабыл алат деп билдиришкен.
