БИШКЕК, 28-окт. — Sputnik. Баткен районундагы Тегирмен тоосунун түндүк-чыгыш тарабында куураган чөп күйүп жатат. Бул туурасында ӨКМдин маалымат кызматынан кабарлашты.
"Учурда Баткен районунун Дара айыл аймагында жайгашкан Тегирмен тоосунун түндүк-чыгыш тарабынан өрт чыккан", — деп айтылат маалыматта.
Тилсиз жоо менен күрөшүүгө райондук өрттөн куткаруу бөлүмүнөн 15 куткаруучу жана жергиликтүү тургундардан 30 адам тартылган.
