Катардын кайрымдуулук уюму Саламаттык сактоо министрлиги менен биргеликте сегиз ФАП курууну пландаган
БИШКЕК, 23-окт. — Sputnik. Жалал-Абад облусуна караштуу Аксы районундагы Кез-Арт жана Кой-Таш айылдарына Фельдшердик-акушердик пунктулар (ФАП) ачылды. Бул тууралуу Саламаттык сактоо министрлигинен кабарлашты.
Билдирмеге караганда, курулуш иши аталган министрликтин макулдугу менен Катар мамлекетинин Кыргызстандагы кайрымдуулук уюму тарабынан курулган. Ал эми жергиликтүү бийлик объектиге жер бөлүп берген.
Курулуш иши аталган министрликтин макулдугу менен Катар мамлекетинин Кыргызстандагы кайрымдуулук уюму тарабынан курулган.
"Ар бир ФАП санитардык нормаларга ылайык курулган. Бардык кабинеттер тийиштүү эмеректер жана жабдыктар менен жабдылган. Ошондой эле анда тажрыйбалуу медицина кызматкерлери иш алып барат", — деп айтылат маалыматта.
Катардын кайрымдуулук уюму Саламаттык сактоо министрлиги менен биргеликте сегиз ФАП курууну пландаган. Учурда жыл аягына чейин калган объектилердин курулуш иштерин бүтүрүп, эксплуатацияга берүү аракеттери жүрүп жатат.
