БИШКЕК, 21-окт. — Sputnik. Жогорку Кеңешке "Евразия экономикалык биримдигинин Бажы кодекси жөнүндө келишимин ратификациялоо тууралуу" документ келип түштү. Бул тууралуу парламенттин сайтына жарыяланды.
Бажы кодекси тууралуу келишим Евразия экономикалык биримдигине мүчө мамлекеттердин башчылары тарабынан 2017-жылы 11-апрелде Москва шаарында кол коюлган.
"Аталган келишим Евразия экономикалык биримдигинин бардык мейкиндигинде бирдиктүү бажылык жөнгө салуу эрежелерин камсыздоо максатына кол коюлган", — деп айтылат маалыматта.
Бул документ учурдагы Бажы кодексин жана учурдун талаптарына жооп бербеген бир катар эл аралык келишимдердин ордун алмаштырат.
Белгилей кетчү жагдай буга чейин 21 өзүнчө эл аралык келишим болсо, эми алардын бешөө гана өзүнүн таасирин сактап калат.
