БИШКЕК, 21-окт. — Sputnik. Бишкектеги Жукеев-Пудовкин көчөсүндө Орто-Сай базарынын тушунда жол кырсыгы болуп BMW менен Volkswagen үлгүсүндөгү машиналар кагышканын күбө Sputnik Кыргызстан маалымат агенттигине билдирди.
Анын айтымында Volkswagen үлгүсүндөгү машина жол кырсыгынан аласалып кеткен, бактыга жараша эч ким олуттуу жаракат алган эмес.
Милиция жол кырсыгы болгону тууралуу билдирүү түшкөнүн тастыктап, анын чоо-жайын айткан жок. Ал эми Тез жардам кызматы аларга эч кандай кайрылуу болбогонун маалымдады.
