БИШКЕК, 20-окт. — Sputnik. Кыргызстанга алып келинген Памир кыргыздарынын төртөөсүнөн жүрөк кемтиги табылды. Бул тууралуу өкмөттүк делегация менен Памирге барып келген дарыгер Индира Мырзалиева Sputnik Кыргызстан агенттигине билдирди.
Эске сала кетсек, кыргыз өкмөтү памирлик 33 кыргызды өлкөгө алып келди.
"Төрт адамдан жүрөк кемтиги табылды. Ал эми алты адамда өнөкөт бийиктик оорусу бар экен. Мындан сырткары, бир кош бойлуу келин бар. Учурда бардыгы дарыгерлердин көзөмөлүндө турат. Жүрөк кемтиги барларды Кыргызстанга алып келүү менен алардын өмүрүн сактап калдык десек болот", — деди Мырзалиева.
Ал байтаптын бирине операция жасоо керектигин кошумчалады.
