БИШКЕК, 20-окт. — Sputnik. Социалдык тармактарда Дональд Трамптын жубайы менен акыркы жолу эл алдына чыкканы катуу талкууланып жатат. Коомчулук Дональд жубайын башкага алмаштырып койгон деп шектенүүдө. Бул тууралуу The Daily Mail басылмасы жазып чыкты.
Социалдык тармактын зирек колдонуучулары президенттин жанында турган сырдуу аялдын мурду жасалма жана ээгинин формасы башкача экенин байкашкан. Ал эми анын көз айнекти чечпей турушу шектенүүнү ого бетер күчөткөн.
"Бүгүн Трамп сүйлөп жаткан маалда анын жанында Мелания эмес башка адам турдубу же мага ошондой сезилип жатабы? Чын эле, жакшылап карасаңар!" — деп актриса Андреа Вагнер Бартон коомчулуктун көңүлүн бурган.
Аталган сүрөт менен видео социалдык тармакка заматта тарап, Twitter тармагында Fake Melania деген аталышта баракча дагы ачылды.
This is not Melania. To think they would go this far & try & make us think its her on TV is mind blowing. Makes me wonder what else is a lie pic.twitter.com/JhPVmXdGit
— BuyLegalMeds.com (@JoeVargas) 18 октября 2017 г.
"Бул Мелания эмес. Алардын мынчалыкка барышы акылга сыйбай турат. Кызык, дагы кандай калптар бар болду экен", — деп интернет колдонуучулардын бири жазды.
I'm over here staring at melania clips comparing nostrils and hairlines like pic.twitter.com/0BGSZ6kw4p
— tekla (@alketrolyat) 18 октября 2017 г.
"Жалгыз мага эле Мелания өзүнө окшошпой калгандай сезилип жатабы же?.." — деп башка колдонуучу жазды.
Айрымдар Мелания жолдошун бир нече убакытка таштап кетүүгө аргасыз болгонун, ал эми Трамптын командасы бул фактыны жашырып коюуну туура көргөнүн болжоп жатышат.
