БИШКЕК, 19-окт. — Sputnik. АКШнын ички коопсуздук боюнча министринин милдетин аткаруучу Элейн Дьюк экстремисттер кайрадан 2001-жылдагыдай 11-сентябрь кылууну пландап жатканын айтты.
Ал мындай маалыматты Лондондогу элчиликте сүйлөп жатканда айткандыгын Daily Mail басылмасы жазды.
"Террордук уюмдар – "Ислам мамлекетиби" же башкасыбы 11-сентябрдагыдай жардыруу жасоого ниеттенип жатышат. Алардын азыркы максаты — учакты атып түшүрүү болууда, бул маалыматты чалгын кызматы берди", — деген элчи.
Анын айтымында, азыр "Ислам мамлекетинин" өткөөл учуру болууда.
"Каржылоо керек болгондо, элдин көз алдында тургусу келгенде жана катарындагы террорчуларды кемитип албоо максатында ушундай кадамдарга барышат" — деди ал.
Трагедиядан 2977 адам көз жумган. Алардын 343ү өрт өчүрүүчүлөр, 60ы полиция кызматкери болгон.
Терактыда каза болгондордун ичинде 19 террорчу болгону, алардын 15и Сауд Аравиясынын, экөө бириккен Араб Эмирлигинин, бирөө Египеттин, бирөө Ливандын жараны экени аныкталган.
