БИШКЕК, 18-окт. — Sputnik. Борбор калаада Kitepfest аттуу маданий-оюн зоок иш-чара өткөрүлөт. Бул тууралуу аталган долбоордун координатору Атай Самыйбек билдирди.
Фестивалдын алкагында адабияттагы акыркы жаңы чыгармалардын жарманкеси да болот. Ошондой эле "Менин адабий каарманым" деген темада талкуу уюштурулат.
"Жакшы көркөм чыгарма адамды тарбиялап, анын ой-жүгүртүүсүн ал тургай мүнөзүн өзгөртүп коет. Адабий каармандар жашоодо да чоң роль ойноп, бизди бир нерсеге үйрөтүп акылдуу жана күчтүү кыла алат. Биз аларга таасирленип, үлгү алабыз. Андыктан бул иш-чарада "китеп тажрыйбасы" менен бөлүшүүгө жакшы аянтча түзүлмөкчү. Ошондой эле жаш акын, жазуучуларга да көңүл бурулуп, каалаганы бул жактан өз адабий эмгектерин тааныштыра алат", — деди Атай Самыйбек.
Фестиваль Касымаалы Баялинов атындагы республикалык балдар китепканасында 4-ноябрь ишемби күнү саат 14:00дө башталат.
