БИШКЕК, 15-окт. — Sputnik. Кыргызстандыктардын жаңы президентке добуш берүүсү үчүн 11 өлкөдө шайлоо участоктору ачылды. Бул тууралуу ТИМдин маалымат кызматы кабарлады.
Маалыматка ылайык, президентти тандоого консулдук каттоого туруп, биометрикадан өткөн жана шайлоочулардын тизмесине кирген гана кыргызстандык жарандар катыша алат.
Россия, Япония, Корея, Кытай, Малайзия, Индия, Пакистан, Казакстан, Түркмөнстан, Өзбекстан жана Тажикстан мамлекеттеринде шайлоо участоктору Бишкек убактысы боюнча саат 10:00дө ачылды.
