ЖАЛАЛ-АБАД, 13-окт. — Sputnik. Базар-Коргондогу дарыянын көпүрөсү жараксыз абалда болгондуктан окуучулар сууну кечип өтүүгө аргасыз. Бул тууралуу жергиликтүү жашоочулар Sputnik Кыргызстан агенттигине билдирди.
Белгилей кетсек, жаз мезгилинде жаан-чачын көп болгондуктан дарыядагы суунун көлөмү көтөрүлүп, Базар-Коргон районунун борборун аралап өткөн Кара-Үңкүр сайынын бир көпүрөсү жарактан чыгып калган.
Базар-Коргон районунун тургуну Исламбек Балтабай уулу билдиргендей, ата-энелер окуучуларды ат менен жээкке алып өтүп жатышат.
"Күзүндө суунун көлөмү көбөйүп жаткандыктан айрым күндөрү аттар белчесинен сууга батып калууда. Сабак бүткөн соң окуучуларды кайра алып келип жатабыз", — деди Исламбек Балтабай уулу.
"Эми ушул жылдын ноябрына чейин бүткөрүү планы тапшырылды. Учурда тез иштей турган техникалар алып келинген. Бирок акыркы мезгилдеги жаан-чачындын көп болушу курулуш иштерин кечеңдетип жатат. Анткени көпүрө цементтен тургузулгандыктан, күндүн ысышы маанилүү", — деди Абдыкаров.
Көпүрөнүн курулуш иштерине республикалык бюджеттен 33 миллион сом жумшалат.
