БИШКЕК, 13-окт. — Sputnik. Кытайда жеңил унаанын айдоочусу жүк ташуучу машинанын алдынан өтүп кеткенин The Daily Mail басылмасы жазып чыкты.
Маалыматка ылайык, айдоочу мындай кадамга алдындагы машинадан озуп кетүү үчүн барган. Өзгөчө жол кырсыгы жүк ташуучу унаага орнотулган видеокамерага түшүп калган. Тасмада көрүнүп тургандай жолдо келе жаткан чоң машина олку-солку болуп, четке чыкпай токтоп калууга үлгүргөн. Дал ушул маалда анын алдынан жеңил унаа өтүп кеткен.
Окуя Кытайдын чыгыш бөлүгүндөгү Нанкин жана Мааньшань шаарларын бириктирген магистралда болгон.
