БИШКЕК, 13-окт. — Sputnik. Казакстандык 70 жаштагы кемпир кыргыз-казак чек арасындагы “Токмок” көзөмөл өткөрүү жайына жакын жерде каза болгондугун Sputnik Кыргызстан агенттигине Саламаттыкты сактоо министрлигинин маалымат кызматынан билдиришти.
Чек ара кызматынан каза болгон жаран чек аранын кыргыз тарабындагы кезек күткөндөрдүн арасында турбаганын айтышты. Ал жолдошу менен өз мекенине кирип бара жатып, көзөмөл пунктуна жетпеген жерден эсин жоготкон.
Чек арачылар тез жардам чакырганы менен туугандары аны өз унаасы менен эле Токмок шаарындагы ооруканага алып жөнөгөндө, ал жолдон жан берген.
Маалыматка караганда, анын кан басымы көтөрүлүп кеткен.
