Туз буйруп Ала-Тоосуна кайткан Памир кыргыздары. Көчүп келе жаткандагы видео

Жазылуу
Биз Памирде жашап жүрө берсек, 40 жылдан кийин жок болуп кетмекпиз. Кыргызстанга келдик, кубанып, эмне дээримди да билбей турам деди Sputnik Кыргызстан агенттиги менен сүйлөшүп отуруп памирлик Абулбайит Жээнбеков.

Шесть семей этнических кыргызов приехали в Нарынскую область - Sputnik Кыргызстан
Памирлик кыргыздар Жалал-Абадга токтоп эс алышты. Сүрөттөр
Кыргыз өкмөтү Памир кыргыздарынын ичинен 6 үй-бүлөдөн турган 33 кишини Афганистандан Чоң-Алай аркылуу Кыргызстанга алып келди. Алар алгач Жалал-Абадда тыным алып, эми Нарынга сапар тарткан турушат.

Буга чейин кыргыз өкмөтү Афганистандын аймагындагы Улуу жана Кичи Памирде жашаган бир нече үй-бүлөнү Нарын аймагына көчүрүп келип, балдарына билим берүү максаты коюлуп жаткандыгын айткан эле.

Биздин кабарчы Жалал-Абадда өргүгөн учурунда Памирден келген кандаштар менен жолугуп, аларды кепке тартты.

"Эки бүлө Кичи Памирден, төрт бүлө Улуу Памирден келе жатабыз. Карып болуп калган кыргыздарды эстеп, тосуп алдынар. Бул үчүн жалпы баарыңарга ыраазылык айтабыз. Максатыбыз — ушул балдарыбызга билим берүү, окутуу", — деди өзүн Кичи Памирден болом деп тааныштырган Абулбайит Жээнбеков.

Ал эми Улуу Памирден ат арытып жол жүрүп келе жаткан Абылгафар Абдрасул уулунун чечекейи чеч болуп сүйлөп берди.

Памирлик кичинекей кыз - Sputnik Кыргызстан
Туурулган беттер, куудураган колдор. Памирдеги кыргыздар
"Чоң, чоң аталарыбыз ушул жерден ооп кеткен экен. Азыр абдан кубанып турган учурубуз. Жаңы турмушту баштаган турабыз. Рахмат, баарыңарга. Ал жактагы турмуш-шартыбыз татаал эле", — деди ал.

Буга чейин Sputnik Кыргызстанга маалымат берген вице-премьер Чолпон Султанбекова 33 кишинин арасында кош бойлуу келин да бар экендигин айткан.

Кыргыз өкмөтү 2017-жылдын апрель-май айларынан тарта Улуу жана Кичи Памирде жашаган, тактап айтсак, Афганистандын Бадахшан аймагындагы жети жаштан 30 жашка чейинки 30 адамды Кыргызстанга алып келүүнү маалымдаган эле.

Жаңылыктар түрмөгү
0