Кыргыз-казак чек арасындагы "Ак-Тилек" көзөмөл өткөрүү пунктунун алдына жүк ташуучу унаалардын тыгыны жаралганын Sputnik Кыргызстан агенттигинин WhatsApp каналына күбө билдирди.
Видео шаршемби күнү, 11-октябрда эртең менен тартылган. Кадрдан көрүнүп тургандай 30дан ашык жүк ташуучу унаа, алардын ичинде чиркегичи менен тургандар дагы бар. Тыгындын узактыгы кайсы жерден бүтөрүн көрүү кыйын.
Буга чейин жарандар кыргыз-казак чек арасындагы көзөмөл өткөрүү пунктунда унаа тыгыны жаралганын айтып, нааразычылыктарын билдиришкен.
10-октябрь күнү саат 18.00дөн тарта казак чек арачылары текшерүү иштерин күчөткөн. Эки саат өткөндөн кийин Кыргызстандын чек арачылары президенттик шайлоого карата күчөтүлгөн режимде иштей баштаган.
Кыргыз-казак чек арасында учурда эмне болуп жатканын Sputnik Кыргызстан агенттигинин тексттик трансляциясынан окуңуздар>>
