10 Тогуздун айы 2017, 12:05
portal.tazakoom.kg деп аталган мамлекеттик кызматтардын бет ачарында жаш түгөйлөр никесин каттатууга арызды онлайн түрүндө, интернет аркылуу беришти.
Аталган иш-чаранын катышуучуларынын көзүнчө Чыңгыз менен Гүлзада баш кошуу үчүн керек болгон документтерин сайт аркылуу тапшырды. Андан соң болочок жубайлар сахнага элдин алдына чыкты.
Премьер-министр Сапар Исаков Чыңгыз менен Гүлзадага гүл тапшырды.
"Мен жаштардын никесин каттаган салтанатка барайын деп сурангым келип турат. Сиздер Кыргызстанда бул жаатта жаңычылдыкты көрсөткөн биринчи саамалык болдуңуздар", — деди Исаков.
Мамлекеттик каттоо кызматынан тиешелүү мамлекеттик мекемеге мындай ыкма менен арыз бергенде убакыт алда канча үнөмдөлө тургандыгын айтышты.
