БИШКЕК, 10-окт. — Sputnik. Октябрь айынын алтысында Ташкент шаарында болгон "Өзбекстан — Кыргызстан" бизнес-форумунун алкагында 200 миллион долларга продукция жеткирүү боюнча келишимдерге кол коюлгандыгын КР Экономика министрлигинин маалымат кызматынан билдиришти.
Форум кыргыз президентинин Өзбекстанга богон мамлекеттик сапарынын алкагында өткөн.
"Өзбекстан менен биргеликте автобус, жеңил унаа, кир жуучу машина чогултуу, айыл-чарба техникаларын чыгаруу жана дилерлик борборлорду уюштуруу боюнча сүйлөшүүлөр болду. Ошондой эле Ош шаарындагы соода-көңүл ачуу борбору жана Кыргызстанда "Артель" техникалык мектебинин филиалын ачуу боюнча документтерге кол коюлду", — деп айтылат билдирүүдө.
Мындан тышкары, зергерлер, унаа куруучулар ортосунда келишимдер болуп, Өзбекстанга дөңгөлөк, таш, суу, бал, өсүмдүк майы жеткирилмей болду.
