БИШКЕК, 4-окт. — Sputnik. Индиянын Карнатаке штатында үч студент селфи жасоо аракетинен поезд алдында калып каза тапканын NDTV телеканалына таянуу менен РИА Новости агенттиги жазып чыкты.
Полициянын маалыматы боюнча көз жумгандардын экөө Бангалордогу Улуттук колледждин студенттери экени аныкталган. Укук коргоо органдары балдар сүрөткө түшүп жатып өздөрүнөн поездге чейинки аралыкты туура баамдай албай калышканын божомолдоду.
Маалыматта аталган окуу жайдын дагы бир студентинин өлүмү тууралуу айтылат. Бир жума мурун жаш жигиттин достору кокусунан анын сууга чөгүп баратканын сүрөткө тартып калышкан.
