БИШКЕК, 1-окт. — Sputnik. Күйөрмандардын тобу Франциянын жогорку дивизионунун сегизинчи турунда болуп жаткан оюн учурунда трибунадан кулап түштү. Бул тууралуу Goal басылмасы өзүнүн Twitter баракчасына жазып чыкты.
Lille's fans celebrated so hard that the stadium barrier collapses. Initial reports suggest — thankfully — that no one is seriously injured. pic.twitter.com/5WX9ifNDwC
— Goal (@goal) 30 сентября 2017 г.
Оюндун 15-мүнөтүндө коргоочу Фоде Балло "Амьен" клубунун дарбазасына гол киргизген. Буга кубанган күйөрмандар секиришкенде, темир тосмо аларды кармай албай сынып кеткен.
Башкы калыс 16-мүнөттө оюнду токтотууга аргасыз болуп, кийин оюн уланган эмес. Акыркы маалыматка ылайык, 29 киши түрдүү жаракаттарды алган.
AFP маалымат агенттигинин билдиришинче, окуянын чоо-жайын Амьен шаарынын прокуратурасы иликтейт.
