БИШКЕК, 28-сен. — Sputnik. Бишкек — Ош унаа жолунда эки унаа кагышып, үч адам каза болгонун ӨКМдин маалымат кызматынан билдиришти.
Кырсык Өзгөн районунда болгон.
"Алдын ала маалыматтар боюнча "Honda Fit" менен "Ваз-2199" үлгүсүндөгү унаалар кагышкан. Жол кырсыктын кесепетинен үч киши мерт болгон", — деп айтылат билдирүүдө.
Окуя болгон жерге ӨКМдин куткаруучулары иш алып барууда.
