БИШКЕК, 27-сен. — Sputnik. Sputnik Казакстан маалымат агенттиги билдиргендей, 26-сентябрда Актау аймагынын тургундары асмандан жылтырап учкан белгисиз нерсени байкаган. Көпчүлүк тургундар бул асманга учурулган ракета болушу мүмкүн деп боолголоп жатышат.
Кыргызаэронавигация азырынча бул маселеге түшүндүрмө бере элек.
Ал ортодо РИА Новости агенттиги 26-сентябрда Астрахань облусундагы "Капустин Яр" полигонунан континенттер аралык "Тополь" РС-12М баллистикалык ракетасы учурулганын билдирди. Ал Казакстандын "Сары-Шаган" полигонундагы шарттуу бутаны жок кылган.
"Континенттер аралык ракетасы сыноо үчүн учурулду. Ракетанын окуу аскер бөлүгү "Сары-Шаган (Казакстан) полигонундагы шарттуу бутаны таамай жок кылды", — деп Россиянын коргоо министрлиги РИА Новости агенттигине билдирген.
"Тополь" ракетасы биринчи жолу 1982-жылы сыналып, аскерге 1988-жылы кабыл алынган.
