Документи жок иштеп жүргөн тамада менен сүрөтчүлөр текшерилүүдө

© Sputnik / Табылды КадырбековПраздничный концерт в честь Дня матери
Праздничный концерт в честь Дня матери - Sputnik Кыргызстан
Жазылуу
Салыкчылар ресторандарга рейд жасап, тийиштүү документи жок иштеп жаткан тамада менен сүрөтчүлөрдү аныктады

БИШКЕК, 26-сен. — Sputnik. Мамлекеттик салык кызматы Бишкектин ресторандарында эреже бузуу менен иштеп жаткан тамада менен сүрөтчүлөрдү аныктады. Бул тууралуу Мамлекеттик салык кызматы билдирди.

Аталган мекеме рейд уюштуруп, калаадагы ресторандардын биринде сүрөт тартуу кызматын көрсөткөн жеке ишкер К.Майназаровдун жанында патенти болбогону аныкталган.

Тамада Аман Ибраев - Sputnik Кыргызстан
Тамада Аман Ибраев: кыз-күйөөсү, жада калса кудасы жок той алып баргам
Ошондой эле сүрөт тартуу кызматын көрсөткөн дагы бир компания менен тамадалык кызмат сунуштаган жеке ишкер Б.Байсариевдин тийиштүү документтери жок болуп чыккан.

Салыкчылар башка ресторанды текшере келгенде ал жакта тамадалык кылган М.Осмоновдун жана сүрөт тартуу кызматын көрсөткөн жеке ишке Ж.Эсенбековдун ыктыярдуу патенти жок болгон.

Ушундай эле абал эс алуу жайларынын биринде тамада болгон У.Борченовдун да патенти жок экени аныкталган. Тийиштүү документтери жок эле сүрөткө тартуу кызматын сунуштаган жеке ишкер Э.Жунусовдун дагы патенти болгон эмес.

Мамлекеттик салык кызматынын билдиришинче тойлордо жана башка салтанаттарда кызмат көрсөтүү боюнча (музыканттар, тамадалар, бий топтору, актерлордун тобу жана башка кызмат көрсөтүүлөр) салыктын көлөмү ай сайын 500 сомдон 2,5 миң сомго чейин жетет.

Сегиз айдын жыйынтыгында дал ушундай кызмат көрсөтүү боюнча болгону 665,4 миң сом салык түшкөн.

Жаңылыктар түрмөгү
0