БИШКЕК, 26-cен. — Sputnik. Бишкек шаарында MAN үлгүсүндөгү жүк ташуучу унаа күйүп кетти. Бул тууралуу ӨКМ билдирди.
Маалыматка ылайык, окуя Биринчи май районуна караштуу Кронштадт көчөсүндө болгон.
"Автоунаанын ички салону жана кыймылдаткычы күйгөн. Айдоочу кырсык болгон жерде көз жумган", — деп жазылат маалыматта.
Окуядан каза болгон адам казакстандын жараны экени белгилүү болду.
