БИШКЕК, 26-сен. — Sputnik. Окумуштуулар Гиза пирамидаларынын азыркы ордуна тонналаган эбегейсиз чоң таштар кантип ташып келингени боюнча сырларды ачты. Бул туурасында РИА Новости "Аш-Шарк аль-Аусат" басылмасына таянуу менен кабарлады.
Андан мурдараак газета Daily Mail гезити археологдор тобу байыркы папирустун жардамы менен пирамидалардын курулуу сырын ачкандыгын жазган. Анда египеттиктер мындан 4600 жыл мурда оор граниттер менен акиташтарды ташуу үчүн эмнелерди пайдаланышкандыгы жазылган. Ал бир топ эле чоң аралык болгон, тагыраагы Асуандан Египеттин түштүгүнө, Гиза өрөөнүнө 800 чакырымдан ашуун жерге ташылган. Папируста курулуш материалдарын ташуу үчүн суу каналдары колдонулгандыгы жазылган.
Хавастын айтымында, мында жаңы эч нерсе деле жок.
"Материалдар таштарды жылмалап, иштеткен Асуандагы атайын порттон жыгач кайыкка салып, Нил аркылуу ташылган. Андан соң пирамидалар тургузула турган жерге салынган курулуш каналдары аркылуу жакын алып келишкен", — деди ал.
Дүйнөнүн жети кереметинин бири делген пирамидалар Гиза өрөөнүндө Нил дарыясынын жээгиндеги аймакка курулган. Комплекске 4,5 миң жылга жакын убакыт болду. Ал Хеопс, Хефрен жана Микерин деп аталган ири пирамидадан турат.
