Саяпкер Мунарбек Кулданбаев Sputnik Кыргызстан агенттигине маек куруп жатып чаар жылкынын башка аттардан өзгөчөлүгүн айтып берди.
Ага ылайык, мындай жылкылар катаал аба ырайына, алыс жолго чыдамдуу, басыгы ылдам жаныбар.
"Эгер тереңдеп карап көрсөк чаар жылкы кыргыз тарыхында көп кездешет экен. Бул кытай тарыхында дагы чагылдырылыптыр. Анда Уди деген хан Фергана өрөөнүндөгү көчмөн элдин чаар жылкысына кызыгып согуш ачкан. Бул дүйнө тарыхында жылкы үчүн согуш ачкан алгачкы окуя болгон", — деди саяпкер.
Учурда Кулданбаев мал чарбачылыгы жана жайыттар боюнча илим-изилдөө институту менен биргеликте асыл тукум жылкы катары каттоо аракеттерин көрүүдө.
Мунарбек Кулданбаев менен болгон толук маекти Sputnik Кыргызстан агенттиги даярдан материалдан окуңуздар>>
