БИШКЕК, 19-сен. — Sputnik. АКШнын сенаты 2018-жылга өлкөнүн коргонуусуна бюджеттен бөлүнгөн каражатты бекиткен долбоорду жактырды. Анда 692 миллиард доллар каралгандыгын РИА Новости жазды.
Ага 100 сенатор макул деген добушун берген. АКШнын 2018-финансылык жылы 2017-жылдын 1-октябрынан тарта башталат.
Ал эми 2017-жылдын бюджети 619 миллиард доллар болгон.
Кабыл алынган долбоордо жана Ак үйдүн сунуштарында ракетага каршы коргонууга чыгашаны 8,5 миллиардга чейин көтөрүү сунушталган. Бул каражатка атылган ракеталарды тосуп калуучу 28 атайын техника сатып алуу каралган. Алар АКШнын аймагында жайгаштырылышы зарыл.
Ал эми Украинага аскердик жактан берилет деген жардамдын суммасы 150 миллион долларды чапчыган (былтыр бул сумма 350 миллион доллар эле). Маалыматта аталган сумманын 75 миллионун акчалай алууга болору айтылган.
