БИШКЕК, 15-сен. — Sputnik. Атактуу актер Стивен Сигал Үчүнчү дүйнөлүк көчмөндөр оюндарын уюштурууда өзүнүн идеялары менен бөлүшүү үчүн Бишкек шаарына келди. Бул тууралуу өкмөттүн маалымат кызматы билдирди.
Ага ылайык, бүгүн белгилүү актерду премьер-министр Сапар Исаков кабыл алат.
"Жолугушууда дүйнөлүк көчмөндөрдүн III оюндарына даярдык көрүү боюнча сөз болот. Көчмөндөр оюндарын өткөрүү жана масштабын арттыруу боюнча Стивен Сигалдын бир топ идеялары бар", — деп жазылат маалыматта.
Стивен Сигал Дүйнөлүк көчмөндөр оюндарынын элчиси. Ал өткөн жылы болгон оюндарында парадды ачып берген. Буга чейин болсо Сапар Исаковду өкмөт башчылыкка дайындалышы менен куттуктаган.
