БИШКЕК, 15-сен. — Sputnik. Муай-тай боюнча кыргызстандык мушкер Рафаэль Физиев Лондон шаарында Салих Халиф аттуу англиялык спортчу менен беттеше турганы таймаштын сайтында жазылды.
Мелдеш 22-сентябрь күнү Phoenix Fighting Championship турниринин алкагында өтөт.
Ушул эле турнирде жекеме-жеке урушуу боюнча дүйнөнүн бир нече жолку чемпиону Антонина Шевченко (Валентина Шевченконун бир тууганы) дагы күч сынашат. Ага англиялык Керри Хьюз атаандаш болгону турат.
Физиев февраль айында атаандашы менен мушташып жатып "Матрица" тасмасынын баш каарманы сыяктуу соккудан буйтагандан кийин күйөрмандары ага "Нео" деп каймана ат коюшкан.
