БИШКЕК, 15-сен. — Sputnik. "Кумтор Голд Компани" (КГК) ишканасына Кыргызстандын атынан башкы менеджер болуп Болотбек Идирисов дайындалды. Бул тууралуу "Кыргызалтын" ачык акционердик коомунан кабарлашты.
12 Аяк оона 2017, 19:00
Кыргыз өкмөтү менен Kumtor Gold Company ишканасынын ортосундагы жаңы келишимге ылайык КГКнын башчылыгында үч кыргызстандык болушу керек. Алардын арасында Болотбек Идирисов бар.
Буга чейин премьер-министр Сапар Исаков Kumtor Gold Company ишканасынын менеджементи кайрадан караларын айткан. Компанияда беш департамент ачуу пландалган. Алардын үчөөнү кыргызстандыктар жетектемекчи. Ал эми учурда компаниянын жетекчилиги президенттен жана төрт вице-президенттен турат.
КГКнын коллективине жаңы жетекчи 14-сентябрда тааныштырылды. Ал буга чейин компаниянын тоо-өнөр жай бөлүмүндө менеджер болуп эмгектенген.
