БИШКЕК, 15-сен. — Sputnik. Кыргызстандык дипломаттар Россиядагы элчиликтер арасында өтө турган футбол боюнча бейрасмий дүйнө биринчилигине катышат. Бул тууралуу Sputnik Кыргызстан агенттигине Россиядагы кыргыз элчилигинин маалымат кызматынан билдиришти.
Биринчи жолу уюштурулуп жаткан биринчилик Москва шаарында 23-24-сентябрь күндөрү өтөрү кабарланды.
"Биздин команда машыгууларын баштады. Баарынын маанайы жакшы", — деп айтылат билдирүүдө.
Бул биринчилик 2018-жылы Россияда өтө турган футбол боюнча дүйнө чемпионатын утурлай уюштурулууда.
