БИШКЕК, 10-сен. — Sputnik. Facebook тармагында пайда болгон жаңы функция колдонуучулардын жолугушууга баруусуна шык берерин TechCrunch басылмасы жазып чыкты.
Маалыматка ылайык, аталган функциянын жардамы менен достордун ичинен ким менен жолуккуңуз келгенин бөлүп койсоңуз болот. Бирок сиз белгилеп койгон кишилердин да каалоосу болсо гана пайдаланууга мүмкүн.
Учурда сынамак үчүн жаңы функция Канада жана Жаңы Зеландиянын Messenger колдонуучулары үчүн жеткиликтүү.
Facebook киргизип жаткан бул кызмат Tinder онлайн-таанышуу кызматына окшош.
