БИШКЕК, 8-сен. — Sputnik. Манчестердеги терактыдан кийин Facebook социалдык тармагына өлкөдөгү бардык мусулмандарды жок кылууга чакырган билдирүүсү үчүн Улуу Британиянын соту жергиликтүү тургунду бир жылга кести. Бул тууралуу РИА Новости агенттиги Independent басылмасына таянуу менен билдирди.
Белгилей кетсек, 2017-жылы 22-майда "Манчестер Арена" комплексинде америкалык ырчы Ариана Гранддын концерти учурунда теракты болгон. 22 жаштагы Салма Абеди аттуу жанкечти өзүн жардырып жиберген. Анын кесепетинен 22 киши каза болгон. Алардын 12си балдар. Терактыны "Ислам мамлекети" террордук уюму мойнуна алган.
Басылманын билдиришинче, бир жылга кесилген 22 жаштагы Киган Жейковлевс жазган материалы улуттар аралык касташууну жаратарын моюндаган. Кийин ал билдирүүсүн өчүргөн.
