БИШКЕК, 2-сен. — Sputnik. Ысык-Көл облусунда жакынкы күндөрү беш мектеп жана төрт бала бакча колдонууга берилет. Бул тууралуу вице-премьер Темир Жумакадыров Орто-Орок айылында Жапар Шабиров атындагы жаңы курулган мектептин ачылышында сүйлөп жатып билдирди.
Маалыматка ылайык, аталган мектеп 225 окуучуга ылайыкталып, курулушуна республикалык бюджеттен 47 миллион сом бөлүнгөн.
Мындан сырткары, учурда Ысык-Көл облусунда 17 мектеп, сегиз бала бакча жана сегиз спорт зал курулуп жатат. Анын ичинен беш мектеп жана төрт бала бакча жакынкы күндөрү иштей баштайт.
