БИШКЕК, 2-сен. — Sputnik. Америкалык теннисчи Серена Уильямс кыз төрөгөнүн BBC телеканалы билдирди.
Ымыркайдын атасы Reddit сайтынын негиздөөчүлөрүнүн бири Алексис Оганян. Жуптар 2016-жылы никеге турушкан.
Спортчу кызды социалдык тармакта сиңдиси Винус Уильямс менен машыктыруучусу Патрик Муратоглу куттукташкан.
Серена Уильямс 2018-жылдын январынан тарта спортко кайтып келерин айткан. Буга чейин ал боюнда бар экенин Асвтралиянын ачык чемпионатына аз калганда билген. Уильямс көптөгөн эл аралык турнирлерди жеңген.
Ал дүйнөлүк рекорд коюу үчүн "Чоң шлемди" жеңиш керек. Ошондо ал 1960-1975-жылдары оюн көрсөткөн австралиялык теннисчи Маргарет Корттун рекордун жаңылайт. Корт кезегинде "Чоң шлемди" 24 жолу уткан.
