БИШКЕК, 2-сен. — Sputnik. Өзбекстандыктар бүгүн өлкөнүн биринчи президенти Ислам Каримовду эскерет. Бул туурасында РИА Новости жазды.
Каримов мындан туура бир жыл мурда жүрөгү кармап дүйнө салган. Ал Өзбекстанды 30 жыл башкарган. Өзбекстан башчысы каза болгондон кийин сөөгү туулуп-өскөн Самарканд шаарына жерге берилген.
2017-жылдын январь айынын соңунда жаңы президент мурдагы президенттин элесин түбөлүккө калтыруу максатында 2-сентябрды, анын каза болгон күнүн Каримовду эскерүү күнү деген Жарлык чыгарган.
Ташкенттеги эл аралык аэропорт менен техникалык университетке, Анжияндагы автомобиль чыгарган заводго, Ферганадагы Искусство сарайына Каримовдун ысымы ыйгарылган.
Ноябрь айында анын жесири Татьяна Каримова менен кенже кызы Лола Каримова-Тилляева "Өзбекстандын биринчи президенти Ислам Каримовдун кайрымдуулук фондусун" түптөгөн.
