БИШКЕК, 2-сен. — Sputnik. Кыргызстандагы мейманканалардын жүгүрткөн каражатынын көлөмү азайганын Улуттук статистикалык комитет 2017-жылдын январь-июль айларында өлкөнүн экономикалык абалы тууралуу отчетунда жарыялады.
Маалыматка ылайык, жети айдын ичинде мейманканалар менен кыска мөөнөттү эс алуучу жайлардын тейлөөсү үчүн алган акчасы 1,3 миллион сомду түзгөн. Ал эми былтыркы жылдын ушул мезгил аралыгында бул көрсөткүч 1,5 миллиард сомго жеткен.
Отчетто реторан, бар жана азык-түлүк менен камсыздоочу башка жайлардын жүгүрткөн каражатынын көлөмү 8 миллард 177 миллион сомду түзгөн. Бул былтыркыга салыштырмалуу 700 миллион сомго көп экени аныкталган.
