БИШКЕК, 1-сен. — Sputnik. Кыргызстан менен Өзбекстан эки өлкө чек арасы боюнча келишимдин долбоорун макулдашты. Анда жалпы чек аранын 80 пайызы камтылганын Өзбекстан өкмөтүнүн расмий сайтында жазылган.
Эскерте кетсек, үстүбүздөгү жылдын 21-31-август күндөрү Бишкекте, андан соң Ташкент шаарында эки делегациянын жумушчу тобу кездешкен.
"Тараптар кыргыз-өзбек мамлекеттик чек арасы жөнүндөгү келишимдин долбоорун макулдашты. Мындан тышкары, аталган документке тийиштүү жоболорду даярдашты", — деп айтылат маалыматта.
Эки өлкөнүн чек арасы 1378 чакырымды түзөт, анын 1058 чакырымы аныкталган. Бүгүнкү күндө 58 жер тилкесиндеги 324 чакырым макулдашыла элек.
Өзбекстандын премьер-министринин Кыргызстанга болгон сапарынын алкагында чек аранын 1170,53 чакырымы аныкталганы айтылган.
